Arestado sang CIDG-Iloilo ang isa ka tigulang matapos ginpaidalum sa entrapment operation kon sa diin nakuhaan ini sang 1.8 million pesos nga balor sang Pesticides.
Ginkilala ang suspek nga si Pablo Doye Demaisip, 71 anyos sang Barangay Bantud, Dumangas, Iloilo.
Nakuha kay Demaisip ang Bristan Powder Pesticide nga ginagamit sa punungan ukon talamnan agud mapatay ang mga peste kasubong sang kuhol.
Subong man, ang nasambit nga Pesticide ang wala ma-rehistro sa Fertilizer and Pesticide Authority kabangdanan nga ginakabig ini nga illegal.
Igapaidalum sa laboratory test anng narecover nga mga pesticide agud mahibaluan kon may yara ini sang ginatawag nga “organotin compound” nga ginadilian diri sa Pilipinas.(sspunay)
Facebook Comments
