Nagalab-ot sa 712 ka mga PNP personnel sa tanan nga police stations kag units sa idalom sang South Cotabato Police Provincial Office ang target nga mabakunahan umpisa subong nga adlaw tubtob bwas Agosto 13.
Ginapatigayon ang pagbakuna sa mga pulis sang tagsa ka Rural Health Unit sa diin nadestino ang PNP personnel gamit ang Aztra Zeneca vaccine.
Sa City Health Office sang Koronadal yara sa 259 ka mga pulis halin Koronadal City Police Station, Provincial Headquarters kag 1st South Cotabato Provincial Mobile Force Company ang bakunahan.
Ang massive vaccination sa tanan nga mga pulis sa rehiyon ang paagi sa inisyatibo ni Police Regional Office (PRO) -12 Regional Director PBGen. Michael John Fernando Dubria sa bulig ni Regional Medical and Dental Unit (RMDU)-12 head PLt.Col. Techie M. Lebanon.
Ginpahayag naman ni SCCPO Provincial Director, PCOL Jemuel Siason nga ang pagbakuna sa SCPPO personnel ang daku nga bulig sa kampanya batok COVID-19 kag malab-ot ang herd immunity.
