Mahayag, Zamboanga del Sur – Nadakpan sa hiniusa nga pwersa sa kapulisan sa lungsod sa Mahayag ug elemento sa kapulisan sa Tangub City Police Station ang pinangita sa balaod nga nag-atubang sa kasong pagpanglugos.
Gikasa ang police operation Purok 7 Barangay Isidro Tan, Tangub City, Misamis Occidental alas 6:00 sa buntag niadtong nakalabayng adlaw.
Malampuson nga nadakpan ang target nga si Guillermo Baterna alias “Boy”, 72 anyos ug residente sa nahisgutan nga lugar.
Ang pagdakop sa target gipasikad sa gahom sa Warrant of Arrest sa san kasong Rape kun pagpanglugos nga dunay criminal case no. 2011-10-2462 nga gipagawas sa Presiding Judge, Regional Trial Court, 9th Judicial Region, Branch 23, Molave, Zambonga del Sur .
Walay pyansa nga gi-rekomenda ang korte bugti sa kagawasan sa dinakpan nga karon gipaslak na sa Mahayag Municipal Police Station lock up cell.
