72 anyos nga lola, gintuyo lugoson sang 21 anyos nga lalaki

119

Gintuyo himuslan sang 21 anyos nga lalaki ang 72 anyos nga tigulang sa brgy. Dela Paz, Banate kagab-i.
 
Ginkilala ang suspek kay Regie Decen, sang amo man nga lugar.
 
Suno kay SPO2 Cyril Baldemor, imbestigador sang Banate PNP, nagalakat pauli ang tigulang sang ginsugata ni Decen nga tuman ka hubog kag ginhalukan.
 
Nagbato ang biktima apang ini ang ginsumbag kag ginsipa sang suspek kag ginhurikap sa pribado nga parte sang lawas.
 
Maswerte lang nga may nakabati sang singgit sang tigulang gani nalagyo ang suspek nga si Decen.
 
Si Decen ang nakaagi tinir sa Balay Dalayonan kag napriso sang ini ang menor de edad pa lamang sa diin sang bulan sang Disyembre 2016 lamang nakaguwa bangud napatay sini ang iya tiyo nga si Rogelio Decen Jr. sang Mayo 8, 2013 kag nabun-an pa gid ang pakaisa nga si Rogelio Decen III nga sadto nga tion nagaedad sang 14 anyos lamang.


Facebook Comments