Pormal nga ginbuksan sang Provincial Government sang South Cotabato ang Balay Silangan Reformatory Center sa bahin sang Barangay Poblacion sa banwa sang Tupi sang Sabado nga adlaw nga ginpangunahan mismo ni Governor Reynaldo Tamayo Jr., Retired Col. Ricardo Santiago Deputy Director General for Administration sang PDEA, DSWD 12 Regional Director Joel Espejo, PDEA 12 Regional Director Naravy Duquiatan, Tupi Mayor Romeo Tamayo kag iban pa.
Inisyal naman sa P400k ang naggasto sang Provincial Government sang South Cotabato para sa renovation kag iban pa nga gamit sang pasilidad nga anay building sang Reformatory Rehabilitation Center for the Youth ukon RRCY sang Department of Social Welfare and Development ukon DSWD 12.
Suno kay Agent John Carlo Gadayan, PDEA Preventive Education and Community Involvement Service ang sarang nga isulod sa balay Silangan ang mga drug surrenderers nga wala sang pending case, wala sang warrant of arrest, indi high value target, nag-avail sang plea bargaining kag drug convicts nga naserbihan na ang 12 ka tuig nga sentensya.
May proseso naman nga agyan ang mga isulod sa Balay Silangan sa diin ipaidalom ang mga ini sa lectures, personality development, livelihood program nga magalab-ot sa anum ka bulan kag after care program
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
