Nakalista sang 73 ka bag-o nga kaso sang COVID-19 ang DOH-6 subong nga adlaw sang Domingo.
Base sa COVID-19 case bulletin number 142 nga ginpaguwa subong nga adlaw sang DOH-6, may pinakamataas nga bag-o nga kaso ang Negros Occidental nga may 28; ginasundan sang Siyudad sang Iloilo nga may 14; Probinsya sang Iloilo may yara man sang 14; Bacolod City may 10, Probinsya sang Antique may 4 kag Capiz may 2 ka kaso.
Bangud sini, nagsaka na sa 2,792 ang kabug-usan nga kaso sang COVID-19 sa rehiyon 6 kon sa diin 1,516 diri ang active cases.
Samtang, nadugangan man sang 21 ang mga nag-ayo sa balatian kabangdanan naglab-ot naman sa 1,238 ang mga nakarecover sa bug-os nga Western Visayas,
May duha man nga nalista nga napatay sa COVID-19 kabangdanan nagsaka na sa 38 ang numero sang mga napatay sa rehiyon.
