DALAGITA, NASAPWAN NGA PATAY SA ISA KA DIKE SA, BARANGAY SAN LUCAS, BAROTAC VIEJO, ILOILO

519

Patay na sang masapwan ang isa ka dalagita alas 4 kaina sang hapon sa Barangay San Lucas, Barotac Viejo, Iloilo
Suno sa tiya sang biktima, naglagaw ang iya hinablos nga 16 anyos upod sa mga amiga sini kag nagbakal sang hamburger mga alas 10 Sabado sang gab-i.
Ginpahayag nga nag-lisensya ang biktima sa iya mga upod nga mangihi anay sa may tulay apang wala na ini ginhulat sang mga kaupod kag nag-una na sa pagpati nga malagaw pa ang biktima.
Subong man, wala na makabalik ang biktima tubtub alas 4 kaina sang hapon nasapwan ini nga patay na sa may dike sa Barangay San Lucas, Barotac Viejo.
Samtang, nadakpan naman ang suspek sa pagpatay sa biktima nga ginkilala kay Bernard Bumacod, 30 anyos tumandok sang Laguna kag temporaryo nga nagaistar sa Sitio Napal-ak, Barangay Poblacion, Barotac Viejo, Iloilo.
Suno sa suspek nga nasugata niya ang biktima nga naga-ikis-ikis kabangdanan gintuyo sini nga buligan bangud basi mahulog ini sa suba apang ginwahig siya sini kabangdanan nga nahulog siya sa suba kag napilasan.
Bangud sini, ginlagas niya ang biktima sang nagdalagan kag sang iya maabtam iya ini nga ginluok tubtub nga napatay.
Suno sa suspek nga indi niya hungod nga patyon ang biktima bangud nagpalangdulom na ang iya panulok bangud sa natabu.
Suno pa sa suspek nga gindala niya ang bangkay sa idalum sang dike kag gintabunan sang hilamon agud indi makita.
Nagpangayo na lang sang pasaylo ang suspek sa pamilya sang biktima kag ginahinulsulan ang iya nahimo.
Ginpanginwala man sini nga iya ginhimuslan ang biktima.
Padayon naman nga gina-imbestigahan sang kapulisan ang nasambit nga insidente.

Facebook Comments