73 ka mga former rebels sa South Cotabato nakabaton sang ayuda paagi sa E-CLIP.

11

Nagalab-ot sa 73 ka mga anay miyembro sang New People’s Army (NPA) sa South Cotabato ang nakabaton sang ayuda subong nga tuig paagi sa Enhanced Comprehensive Local Integration Program (E-CLIP).
Ginpahayag ni 1st Lt. Krisjuper Andreo Punsalan, civil-military operations officer sang Army’s 5th Special Forces Battalion nga lakip sa benepisyaryo ang mga former rebels nga nagsurender sang nagligad nga tuig.
Suno sa iya lakip sa mga surrenderers ang walo ka mga indigenous peoples’ (IPs) halin sa Lake Sebu nga nagsurender sang Abril.
Pahayag ni Punsalan nga nakabaton ang mga former rebels sang immediate kag reintegration assistance halin sa local government units subong man firearms remuneration kag livelihood grants halin sa national government.
Nakabaton sang P5k tubtob 20k nga immediate kag reintegration assistance grants ang mga former rebels.
Naghatag man ang Department of Social Welfare and Development sang livelihood assistance sa mga former rebels nga nagakantidad sang P20,000 tubtob P50,000.
Samtang sa firearms remuneration yara naman sa P10, 000 tubtob P200,000 ang nabaton depende sa klase sang armas luthang nga ginsurender sang former rebels.
Padayon naman suno kay Punsalan ang pagmonitor nila sa sitwasyon sang mga surrenderers ilabi na sa ila security status agud nga masiguro nga indi na sila liwat maimpluwensyahan kag marecruit sang dati nga mga kaupdanan.
Ginkumpirmar man ni Punsalan nga sa subong kontrolado pa ang seguridad sa South Cotabato batok sa presensya sang NPA.

Facebook Comments