[image: IFM 919 Logo (1).jpg]
Gikumpirma sa mga kadagkuan sa kwerpo sa kasundalohan nga adunay natigayong engkwentro sa mga tropa sa 73rd Infantry Battalion ug rebeldeng New Peoples Army sa Malapatan probinsya sa Sarangani.
Nasayran sa impormasyon nga bandang udto gahapong adlawa Huwebes natigayon ang engkwentro na midugay og napulo ka minutos sa may Barangay Kihan sa nahisgutang munisipyo.
Ang insidente nahitabo sa may Sitio Sulkili, Barangay Kihan duol sa vaccination site sa medical team nga misaka sa Barangay Upper Suyan tungod sa measles outbreak.
Bisan pa man sa nahitabo nga pagtagbo sa mga rebeldeng grupo og kasundalohan nadayon gihapon ang pagpabakuna sa mga residente sa Upper Suyan nga naapektuhan sa taas nga kasong tipdas.
Sa impormasyon dunay namatay sa bahin sa NPA nga padayon pang gikumpirma sa kasundalohan nga nakaengkwentro.
Butyag pa ni BGen. Robert Ancan ang Brigade Commander sa 1002nd Infantry Brigade na gipaniguro nila ang kaluwasan sa mga sakop sa medical team na misaka sa Upper Suyan.
Dugang pa sa opisyal nga may mga kasundalohan didto sa area.
Samtang takda nga tigumon sa provincial government unit ang mga kabarangayan sa mga munisipyo Alabel, Malapatan ug Glan kini aron masigurong mamonitor ang dunay mga sakit tungod paspas kung mokatag ang measles outbreak.
Butyag pa ni Governor Steve Solon nga anaa sa vaccination site ang Department of Health kauban ang Provincial og Municipal Government ug mga barangay officials nagpasiugda sa pagbakuna.
