Bacolod City – Naglab-ot sa 74 tanan ka mga centenarian ang nakabaton sang tag P100,000 pesos gikan sa Department of Social Welfare and Development ukon DSWD.
May ara sang 56 gikan sa Negros Occidental kag 18 naman ang gikan sa Negros Oriental santo sa Republic Act 10868.
Pinakauna ini nga tion suno kay DSWD Negros Island Regional Director Shalaine Lucero nga ang national government ang nagpain sang cash incentive para sa naga-edad sang 100 anyos pataas.
Ang ini nga mga centenarians ang gikan sa Bacolod, Talisay City, Silay City, Sipalay City, Kabankalan City, La Carlota City, Sagay City, Cauayan, Candoni, E.B. Magalona, Binalbagan, La Castellana kag Valladolid sa Negros Occidental, kag gikan sa Canlaon City, Guihulngan City, Manjuyod, Sta. Catalina, Tayasan kag Siaton sa Negros Oriental.
Sa Negros Occidental, isa nalang ang wala natagaan matapos nga napatay ini matapos nga naproseso na ang iya papeles sa diin ihatag nalang ini sa iya nabilin nga himata.
Sa Negros Oriental, igarelease naman ini sa masunod nga semana.
