Mukabat sa 75 ka mga barangay sa probinsiya sa Bukidnon ang gideklarang election watchlist areas kon EWAS.
Sa interview sa RMN Malaybalay ngadto kang Police Captain Jisell Longakit, ang spokesperson sa Bukidnon Provincial Police Office, gibutyag niini nga sa 464 ka mga barangay sa probinsya anaa sa 75 ang gideklarang EWAS alayon sa nagsingabot nga piniliay karong Mayo 13 ning tuiga.
Mukabat sa 15 ka mga lungsod apil na ang duha ka siyudad sa Bukidnon ang ilang gitutukan alang sa nagsingabot nga eleksiyon sa May 13.
Naglangkob kini sa 7 ka mga barangay sa lungsod sa San Fernando; Don Carlos – 1; Dangcagan- 3; Lantapan – 8; Talakag- 8; Valencia City 3; Malaybalay City- 9; Pangantucan- 3; Impasug ong – 6; Sumilao- 1; Manolo Fortich- 3; Cabanglasan- 2; Kitaotao-9; Baungon- 9; ug; Kibawe-3 ka mga barangay.
Matud sa PNP nga aduna silay upat ka parameters kon guidelines sa pagdeklara sa EWAS.
Category 1 kung adunay presensiya sa armed group ug adunay hugot nga political rivalries.
Category 2 kung adunay hulga sa presensiya sa New Peoples Army kon NPA.
Ug category 3 kung adunay presensiya sa category 1 ug 2.
Samtang category 4 kung under comelec control na ang usa ka dapit.
Gidugang pa ni Longakit nga butangan ug mga sundalo ang mga barangay nga apil sa EWAS nga nahimutang sa mga lagyong dapit samtang kasagaran sa mga pulis ibutang kini sa sentro-sentro sa usa ka lugar.
