Kumalarang, Zamboanga del Sur – Nagpaalim karon sa ospital ang 76-anyos nga lolo human aksidente nga naligsan og motorsiklo samtang nitabok sa National Highway sa Purok 2, Sitio Sayao, Poblacion, Kumalarang Zamboanga del Sur alas 9:20 kagahapon sa buntag.
Gitambalan karon sa Zamboanga del Sur Medical Center ang biktima nga s i Jose Nobleza, 76-anyos, residente sa Purok Uno, Sitio Sayao, Poblacion Kumalarang ning probinsya.
Sa inisyal nga imbestigasyon sa Kumalarang PNP, samtang nitabok sa kalsada ang senior citizen nga biktima aksidenten kining naligsan sa Mitsukoshi 150 nga motorsiklo nga gimaneho ni Ariel Manzano Latao, 27 -anyos, taga-Barangay Pangi, Kumalarang.
Human sa hitabo daling gidala sa Kumalarang Rural Health Unit ang driver sa motorsiklo ug ang biktima apan giduso kini ngadto sa Zamboanga del Sur Medical Center.
Sa impormasyon nga nahipos sa RMN-DXPR Pagadian nakabaton samad sa nagkada-iyang bahin sa lawas ang biktima nga senior citizen samdan usab kini sa ulo ug walang bahin sa paa samtang ang nagmaneho sa motosiklo nakahi-agom usab og pangus sa lawas.
Ang motor nga nakaligis gikustodiya na sa Kumalarang Municipal Police Station.
