ILOILO CITY – Dakop ang 78 anyos nga retired teacher nga nagapang-molestya sa mga matipuhan sini nga menor de edad.
Nadakop ang suspek pinaagi sa entrapment operation sa Barangay Lopez Jaena Sur, Lapaz sa pagpanguna sang Lapaz PNP sa koordinasyon sang crisis intervention unit sang DSWD.
Una diri, may nagpalab-ot sang report sa RMN Iloilo kag ginforward sang estasyon sa DSWD sa ginahimo sang tigulang kabangdanan nag-coordinate ang ahensya sa kapulisan kag ginhiwat ang entrapment operation kahapon sang hapon.
Ginpanginwala pa sang suspek ang reklamo batuk sa iya apang nagtu-ad ang 15 anyos nga bata nga si alyas “Nene” nga nagakadto ini tagsa ka semana sa tigulang agud pasugtan ang kalipayan sini kabaylo sang ginahatag sa iya nga kuwarta kag pagkaon.
Magluwas sa 15 anyos nga si alyas Nene, may ginaupod man ini nga mga abyan niya nga menor de edad man kag ginamolestyahan man sang suspek.
Sa karon yara na sa custody sang pulis ang tigulang para sa dugang nga pagpangusisa angut sa reklamo batuk sa iya.
