Yara pa lang 11% ukon 783 sang 7,018 ka mga Surfacing Personalities Involved in Drugs ukon SPID sa probinsya sang South Cotabato ang naggraduate ukon nakatapos sa Community Based Rehabilitation Program sang Integrated Provincial Health Office ukon IPHO.
Suno kay Dr. Rogelio Aturdido Jr. Provincial Health Officer sang South Cotabato nga ang nasambit nga datos ang manubo apang wala man suno pa sila nagaekspektar nga 100% sang SPID ang magpaidalom sa anum ka bulan nga CBRP tungod ang iban sa mga ini ang mild cases lang nga mahimo mamanage sang ila kaugalingon sa bulig sang ila nga pamilya.
Base sa ila datos suno kay Dr. Aturdido sa masobra 7,018 ka numero sang SPID, 3,612 ukon 51% pa lamang ang nascreen kag 1,055 ang naenrolled sa CBRP.
Pila suno pa sa mga SPID ang wala na enroll sa CBRP bangud ang iban ang nagsaylo na sa iban nga lugar.
Ginkumpirmar man ni Aturdido nga makatatlo ka bes nila nga ginapaidalom sa random drug testing ang mga agud nga mahibaluan kon seryoso gid man sila nga magbag-o kag indi nga dakpon sila.
