Davao City – Andam na ang kapin sa 7,000 ka mga sakop sa safety ug security cluster nga ipang-deploy sa nagkadaiyang lugar sa Davao City alang sa umaabot nga Ironman 70.3 karong weekend.
Sumala sa Public Safety and Security Office (PSSO) Chief Angel Sumagaysay, “all systems go” na ang ilang preparasyon aron maseguro ang hapsay ug luwas nga dagan sa maong internasyonal nga aktibidad.
Gibutyag ni Sumagaysay nga ang mga pwersa gikan sa lain-laing ahensya ipahimutang sa mga ruta ug venue sa kompetisyon, lakip na sa Gwapa Dabawenya Run, Ironkids, ug ang main event nga Ironman 70.3. Giingon niini nga giprayoridad ang crowd control, traffic management, ug emergency response aron maprotektahan ang mga atleta ug mga manan-aw.
Gipasalig sab sa PSSO nga magpadayon ang hugot nga monitoring ug koordinasyon sa tanang involved nga ahensya aron malikayan ang bisan unsang insidente.
RadyoMaN Kareen Beltran
Facebook Comments
