Nakadawat karon og mubalor sa P8.5 million nga farm to Market Road nga proyekto ilawom sa Support to Barangay Development Program (SBDP) ang Brgy. Kulaman, Malaybalay City, Bukidnon.
Gihimo ang maong pag turn-over niadtong milabayng adlaw, gipangunahan sa DILG, City Mayor Jay Warren Pabillaran, PNP, Philippine Army ug City Engineering Office.
Nasayran, nga ang Barangay Kulaman, gikonsiderang usa sa mga conflict barangays sa Malaybalay ug human sa pagpahigayon og kampanya pagpahunong sa insurhensiya nga mao ang End Local Communist Armed Conflict (ELCAC) ug sa Community Support Program (CSP) sa Philippine Army, ang maong barangay ang gideklara na kining Insurgency free ug nalakip na sa Support to Barangay Development Program (SBDP).
Gumikan sa maong pagdeklara, nakadawat kinig proyekto nga mao ang Farm to Market Road uban sa lain pang P7.5 million farm-to-market-road project ug P4 million water system project.
Facebook Comments
