General Santos City—gialigarang gihilabtan sa usa ka 19 anyos nga dunay deperensya sa panghuna-huna ang 8 anyos nga batang babaye sulod mismo sa ilang panimalay sa Barangay Labangal, Gensan.
Biktima nailang si Alias Angel, 8 anyos, residenti sa Barangay Labangal. Samtang suspek giilang si Alias Aping, silingan ra sa biktima.
Sumala sa inahan sa bata nga nangatulog sila sa iyang anak sulod sa ilang balay, pagmata niini nakurat nalang sya nga anaa sulod sa ilang tindahan ang suspek kung asa nahimutang ang iyang anak.
Paspas matud pa nga misibat ang suspek gikan sa lugar. Samtang natingala ang inahan nganong naghilak ang iyang anak ug dihang gipangutana, didto na misumbong ang bata nga siya gihilabtan.
Tungod niini midangop sila sa buhatan sa Police Station 2 aron nga ireklamo ang suspek. sa karon gikatakda pang ipailawom sa eksaminasyon ang nasangpit nga biktima aron sayron kung gihilabtan gyud kini sa suspek.
