General Santos City—karong adlawa na ilubong ang patayng lawas sa 8 anyos nga si Mary Agunstin, kansa brutal nga gipatay ug gilugos sa 27 anyos nga baker nga si Mark Engkong sa FVR Vill., Barangay Fatima Gensan.
Kaadlawon palang kaganina, gidugok na sa ilang mga kabana yang panimalay sa pamilyang Agustin kansa buot makigduyog sa kasub-anan sa mga ginikanan sa nahisgutang minor de edad human kining brutal nga gipatay.
Sumala sa inahan sa biktima nga dungan sa paglubong sa iyang anak, magpadayon ang ilang pagbangutan batok sa suspek kansa kasamtangan na karon nga balhog sa silda sa Police Station 7.
Buot nila matud pang madugta sa bilangguan ang nasangpit nga suspek ug sila nanghinaot nga sa mas daling panahon mahukman na ang nahisgutan tungod sa iyang brutal nga pagpatay sa biktima.
Kahinumduman nga una nang gipatay ug gilugos sa suspek ang biktima niadtong Nobyembre 9, sa bakanting luna sa Barangay Fatima ug petsa 10 na kini nakit-an sa kapulisan.
