Sa interview sa DXDC RMN Davao kang Carina Sajonia, ang program coordinator sa TALIKALA Inc., iyang gipasabot nga bisan pa man ginikinan, paryente, o kadugo, angayang magbaton og limitasyon dihaa sa pag atiman o paglambing sa kabatan-onan.
Kini human nga padayon ang pagsaka sa sexual abuse cases sa Davao City ug natala ang 8 anyos nga mao’y pinakabatang biktima sa kasamtangan.
Gibutyag ni Sajonia nga aduna’y mga niduol ug nagpatabang kanila kinsa giunay og abuso sa kaugalingong kadugo.
Panawagan usab sa opisyal nga kanunay itudlo sa mga bata ang kamahinungdanon sa lawas sa tawo ug kung unsa ang mga angay ug dili angay gunitan sa uban.
Ang maong panawagan nag-ugat sa balitang naalarma na karon ang Department of Education (DepEd) sa pagsaka sa ihap sa sumbong mahitungod sa pagpangabuso sa mga estudyante sulod sa mga tulunghaan.
RadyoMaN Ivy Parido
