Davao City- Nagpahimangno ang Philippine Drug Enforcement Agency (PDEA) Region 11 sa publiko batok cannabis o marijuana cake ug cookies nga ginabaligya sa online.
Segun ni PDEA XI Regional Director Naravy Duquitan, gipaigmat niini ang mga konsamante karong holiday season batok niining pastries nga lakip sa mga ingredients ang marijuana.
Gikumpirma niini nga matud sa informant ug customer sa maong pastries nga aduna gayud kiniy sagol nga marijuana tungod pareho ang epekto sama sa paggamit niini mismong sa marijuana.
Gibutyag niini nga hugot ang ilahang surveillance sa mga gahimo ug gapamaligya sa marijuana cake ug cookies.
Giawhag sa PDEA 11 ang publiko nga ireport kanila o pweding mag-message sa ilahang official facebook page aron mahunong ug madakpan ang gahimo sa nasangpit nga illegal nga aktibidad.
RadyoMaN Aimee Guinita
Facebook Comments
