Daghan kaayo ang nagtoo nga ang CEBU SAFARI usa lang ka sosyalan nga zoo. Labaw pa intawn ni ana uy. Suma pa sa blog sa Sugbo.ph nga “Cebu Safari is more than just an animal kingdom. It is also a WORLD-CLASS adventure park.”
Bongga gyud uy. Been there. Char! Di lang kana kay daghan pani e-offer nga rides/activities sama sa: 7 adventure rides including zip coaster, ASIA’s Longest Zipline (1.2km), Giant Swing, Obstacle Course, Spider Walk, Sky Bike, Outdoor Adventure + a full hour adventure trek in Carmen’s 8 waterfalls, ug daghan pa. Ayaw lang mo kaayo ka strong kay suma pa sa atoang source nga “these will be available in 1-2 years from now”. So atleast, naa pa kay time nga mangita og uyab para inig rides nimu puhon di ka alone. What’s up, single!
Ayaw pagyawyaw diha mga siztz ug orbz kay soft-opening pa ni nila. Kasabot? Maldita lang nuh peru laban lang ta ani kay lingaw gyud kaayo ko didto. Ug kay buotan man ko karon I will be a helping hand sa inyoha run. Alang sa atoang TRAVEL GOLS karong adlawa, July 27, 2018, atoang tukion ang mga common questions asked about CEBU SAFARI.
ASA MAN GYUD NI NAHIMUTANG?
Nahimutang ang maong 100-hectare safari nga gipanag-iya sa Cebuano pawnshop tycoon Michel J. Lhuillier sa Sitio Toril, Barangay Corte, Carmen, Cebu. Approximiately mga 2 ka oras gikan sa siyudad sa sugbo.
UNSAON MAN PAG-ABOT SA MAONG LUGAR?
Sa mga taga Cebu City o taga southern Cebu, sakay lang og bus nga magsukad sa North Bus Terminal. Sa mga naay kaugalingon sakyanan, once muabot naka sa National Road sa lungsod sa Carmen pangitaa lang ang Carmen National High School (unya turn left kung gikan ka sa habagatan ug turn right kung gikan ka sa amihanan). Sunda lang ang mga road signs og muabot raka sa Cebu Safari human sa 8 kilometros nga imong biyahion. Kung nagsakay ka og bus gikan North Bus Terminal palihug lang pa-drop duol sa Carmen Public Market. Gikan didto, pwede ka musakay og habal-habal padung sa Cebu Safari.
KINAHANGLAN BA OG RESERVATION O PWEDE RA WALK-IN?
Mas maayo gyud nga magpa-reserve ka para di ka mahutdan og slots tungod gi-limit lang nila ang number of visitors matag adlaw. Dos mil o 2,000 visitors lang matag adlaw. Ang walk-in e-entertain gihapon gikan sa alas 8:00 sa buntag hangtud sa alas 2:00 sa hapon. Kana kung naa pay bakante sa 2,000 slots/day.
ASA MAN PWEDE MAGPA-RESERVE?
Padala lang og email sa sales@cebusafari.ph para mabka-book ka sa inyong desired nga adlaw nga muadto. Dili sila mo-accomodate og reservation via cellphone or facebook maong email lang gyud. Para sa dugang pang detalye pwedeng mutawag sa: 0929-196-8191 o 0945-301-3700.
WHAT TIME ILANG OPERATING HOURS?
Abli sila matag 8:00 AM – 5:00 PM peru ang last entry ug ang ticket selling kay kutob ra 2:00 PM tungod ang pag-tour sa maong safari mulungtad og at least 3 hours para makumpleto.
PILA MAN ANG ENTRANCE FEE?
Mao ni ang ilang rates: Php 800.00 matag adult nga bisita, way labot ang set lunch ug ang bata nga 2-3ft. tag Php 400.00 ug ang bata below 2ft. kay FREE. Mu-grant gihapon sila sa Senior Citizens & PWDs 20% nga discount.
PWEDE BA MAKADALA OG PAGKAON?
Base sa akoang experience “Strictly NO outside food is allowed” gyud sa maong safari. Apan ana silay buffet @ ₱300 per head. Pwede sad mupili sa mga ala carte. Mao kini ilang menu:
UNSA PAY LAIN NAA DIDTO?
Sa gina-ingon pa, animal kingdom gyud ni labi na sa mata sa mga bata. Naay animals sama sa lions, giraffes, camels, tigers, zebras, ug daghan pa. Ug naa pud ni bird show nga apil na sa entrance fee gikan Miyerkules hangtud Domingo sa ala 1:45 sa hapon.
I hope kining akoang chika alang sa atoang TRAVEL GOLS makatabang sa imong unang safari adventure. Bongga na gyud kaayo ang Cebu uy! See you mga idol sa akoang next trip didto. Tinubdan sa ubang detalye ug hulagway: www.sugbo.ph. (Sinulat ni Dj Maikee Gol)
