8 ka mga former rebel’s nakabaton sang assistance halin sa Provincial Government kag DILG.

Walo ka mga former rebels nga nagsurender sang Disyembre sang nagligad nga tuig ang nakabaton sang P20, 000 nga immediate assistance halin sa Provincial Government sang South Cotabato kag P60, 000 nga financial support halin sa Comprehensive Local Integration Program sang DILG.
Suno kay Grace Rodel, focal person sang CLIP nga anum ka mga former rebels ang nakaavail sang firearm remuneration kag P20, 000 nga immediate assistance, samtang duha naman ang nakabaton sang P50,000 reintegration assistance.
Paklaro pa ni Rodel nga ang firearm remuneration ang depende naman sa klase sang armas luthang nga dala sa pagsurender sang former rebels apang isa dire ang nagsurender suno pa sang high powered firearm.
May-angot sini, kada former rebel’s ang nakabaton sang P85, 000 magluwas sa assistance sa pagbalik man sang mga ini sang bitbit nga armas luthang.
Samtang sa iban pa nga wala nagsurender nga miyembro sang New People’s Army ukon NPA ginaawhag sang CLIP focal person nga magsurender na tungod ang matuod nga panggobyerno ang yara suno pa sa provincial government kag wala sa ginapatihan nga grupo kag ang matuod nga bulig ang yara man sa gobyerno.
Sang tuig 2013 tubtob subong nga tuig yara na sa 69 ka mga former rebels ang naasess kag nakaavail sang assistance halin sa lokal nga panggobyerno kag DILG.