General Santos City—Walo ka mga kaso sa pagkawa sa Cellphone ang natala sa Gensan Oval Plaza kagabie dungan na usab sa pagdagsa sa daghang tawo atol sa pasundayag sa duha ka mga sikat nga banda alayon sa selebrasyon sa Tuna Festival 2019.
Nasayran nga sunod sunod nga nahidangat sa buhatan sa Police Station 1 ang walo ka mga biktimang nawad-an ug cellphone.
Sa karon ginasuta pa sa kapulisan kung nahulog o gikawat ang mga cellphone sa mga biktima.
Dungan niini nanghimangno ang kapulisan sa tanang mga maglulinghayaw sa Oval Plaza nga ampingan ang ilang mga gamit sama nalang niining Cellphone gumikan dili gyud malikayan nga dungan sa pagtapok sa mga tawo, mugara usab ang mga kawatan.
Facebook Comments
