Mukabat sa walo ka mga miyembro sa New Peoples Army kon NPA nga boluntaryong nitahan dala ang 7 ka mga tag-as nga klase sa armas.
Nitahan ang walo ngadto sa 1st Special Forces Battalion, Sepcial Forces Gegiment niadtong Sabado sa hapon sa Purok 2, Barangay Mendis, lungsod sa Pangantucan, Bukidnon.
Matud sa 1st Special Forces Battalion nga ang maong mga nitahan mga miyembro sa militia ng Bayan nga ilawom sa Company 3, Sub-Regional Committee 4, Northern Central Mindanao Regional Committee.
Dala sa ilang pagtahan ang mga high-powered firearms nga adunay mga buhing mga bala.
Apil sa mga nitahan sila si alyas Joseph, alyas Jando, alyas Felipe, alyas Jaguar, alyas John/Jomar, alyas Ribs, alyas Rex ug alyas Gamara nga asawa ni Jaguar.
Bitbit nila ang usa ka M1 Garand Rifle, usa ka M2 carbine, usa ka 45 improvised rifle, usa ka 9mm KG-9 submachine gun, 2 ka 9mm baby ingram submachine gun, ug usa ka M79 grenade launcher.
Gikalipay usab ni Lt. Col. Sergio Macarandan Jr., ang commander sa 1st SF Battalion ang pagtahan sa maong mga miyembro sa militia ng bayan.
Mutabang usab daw siya sa pag-asikaso alang sa housing units, firearmas remuneration, cash assistance ug livelihood alang sa mga surrenderees ilawom sa E-clip nga programa sa gobyerno.
Makadawat usab ang walo nga nitahan ug 20,000 nga cash assistance gikan sa LGU Pangantucan.
