Handa na ang walo ka mga tribu nga magapasakop sa 2019 Iloilo dinagyang ati-ati tribe competition para sa opening salvo sa Byernes Enero 11.
Ini ang makabig nga sneak preview sang performance sang mga tribu sa highlights sa Enero 27.
Magapasundayan sa opening salvo ang Tribu Panayanon sang Iloilo City National High School, Salognon sang Jaro National High School, Ilonganon sang Jalandoni Memorial National High School, Dagatnon sang Ramon Avanceña National High School, Paghidaet sang La Paz National High School, Hugponganon sang Tiu Cho Teg-Ana Ros Foundation Integrated School, Pan-ay sang Fort San Pedro National High School, kag Barriohanon sang Bo. Obrero National High School.
Suno kay dinagyang foundation tribes committee chairperson Robert Alor magaperform ang tribu sa lima ka mga stages gikan sa Freedom grandstand, Capitol, Quezon-Ledesma, Aldeguer, kag Plaza Libertad.
Nagpanawagan si Alor sa publiko nga saksihan ang opening salvo kag himuon ini nga mas masadya paagi sa pag-cheer sa paborito nga mga tribu.
Nahibaluan nga sa highlight magapsundayag bilang guest performers ang mga Alumni sang winningest nga tribu Bola-bola sang Iloilo National High School kag tribu Miru sang indigenous community halin sa Barotac Viejo kag Anilao.
Photo from web
