Gipasigarbo sa Department of Labor and Employment kon DOLE Bukidnon nga mukabat na sa 8,000 ka mga trabahante ang na regular na.
Sa interview sa RMN Malaybalay ngadto kang Raul Valmores, ang provincial director sa DOLE Bukidnon gibutyag niini nga naka-regularized ang ilang buhatan ug 8-mil ka mga workers.
Giklaro niini nga boluntaryo ang pag-regular sa maong mga trabahante ug ilang gihimo mao ang pagpatawag sa mga employer, multi-nationals ug mga agencies ug gihangyo nga boluntaryo na lang nilang e-regular ang ilang empleyado aron dili na musangpot pa sa enforcement.
Gidugang ni Valmores nga kung kaniadto tag-lima ka bulan lang ang kontrata sa mga workers apan karon gihimo na kining regular ug nakadawat pa sa mga hingtungdan benepisyo.
Gipasalamat usab sa provincial director ang maong mga employer sa pagsunod sa ilang awhag.
Tungod sa maong gidaghanon nakadawat ug pasidungog ang ilang buhatan tungod sa pinakadaghang na-regularize nga workers sa tibook Northern Mindanao.
