General Santos City—Sikop sa Operatiba sa Police Station 2 inabagan sa City Drug Enforcement Unit (CDEU) ang mukabat sa 8 ka mga personahe atol sa gihimong sunod-sunod nga Buybust operation sa Area sa Purok Olaer, Barangay Apopong Gensan.
Unang nadakpan ang suspek nga si Rodrigo Napuasa nga taga Purok Olaer, Barangay Apopong .
Napalitan ang nasangpit ug usa ka pakete sa gituohang shabu gamit ang P500.00 nga marked money.
Sunod nga nasikop ang suspek nga si Christian Calugay, kansa maoy target sa buybust operation, didto gihapon sa may purok Olaer, Apopong.
Sikop sab ang mga kaubanan niining silang si Chae Hwan Ortega, 42, Dennis Macaron, Estudyante; Stephen Sotaredona, 23 anyos; Francis Garcia, 42; Michael Francis Ellarda ug Arnel Toquero.
Narekober gikan sa ilang posisyon ang pipila ka sachet sa gituohang shabu ug marked money.
Kasong kalapasan sa RA 9165 ang gikatakdang ipasang-at batok sa mga suspek kansa balhog karon sa silda sa Police station 2 ug police Station 1.
