PONTEVEDRA – Dakop sa ginpatigayon nga buybust operation si Kenneth Lago, 41 anyos ang edad kag pumuluyo sang Sitio Hunob, Brgy. Gomez, Pontevedra, Negros Occidental.
Ang buybust operation ginpangunahan sang bag-o nga hepe sang Pontevedra Police Station nga si PSI Rhojn Darell Nigos, upod kay PO3 Ryan Blanca kag SPO1 Rolan Dionela kag iban pa nga mga katapo sang Pontevedra Police Station.
Subong man nangin witness sa mga recoveries si Brgy. Kapitan Jonathan Bayona kag kagawad Alberto Untal.
Si Lago nadakpan sa Purok Palma, Barangay Antipolo, Pontevedra.
Sang hapon sang Octobre 23, 2018, nakuha sa iya posisyon ang lima tanan ka mga sachet sang ginasuspetsuhan shabu, P500 pesos nga marked ukon buy bust money, isa ka cherry mobile C61 cellphone kag 1 ka lighter.
Ginpahayag ni PSI Rhojn Darell Nigos nga sang aga pa lang natransaction na sang police nga nagpa kuno kuno nga manugbakal sang shabu si Lago apang nagsiling ini nga makuha pa sang stock sa Bacolod kag pagkahapon dire na kag nagtext si Lago sa pulis nga ara na ang shabu, kag dire na natigayon ang buybust operation.
Si Lago ang gindala sa Pontevedra Police Station apang pagadal-on naman sa PDEA Regional Office 6 subong nga adlaw Octobre 24,2018 kag sya magapangatubang sang kaso nga Section 5 kag 11 sang Republic Act 9165, ukon ang Dangerous Drugs Act of 2002./ Grace Supe
