80-anyos nga lolo sa San Enrique, Iloilo, patay matapos gin-atake sa corazon sang nakita nga nag-usmod ang iya balay

Patay si Eliseo Arelliano Sr., 80 anyos sang Brgy. Imbang Pequeño, San Enrique, Iloilo matapos gin-atake sa corazon sang nakita nga nag-usmod ang iya balay tuga sang mamunog nga ulan sa nasambit nga lugar.

Suno sa inisyal nga impormasyon, nagpaaso pa sa Sentro ang biktima bangud may hapo apang sang nagpa-uli ini, iya nakita nga nag-usmod na ang iya balay rason nga gin-atake sa corazon kag ginbawian gid sang hulam nga kabuhi.

Nahibaluan nga lima ka mga balay ang apektado sang amat-amat nga pag-usmod sang duta sa kilid sang suba sa nasambit nga barangay.

(c) Kabalikat Civicom Passi