Davao City – Muabot na sa 80 ka mga engkwentro tali sa militar ug New Peoples Army (NPA) ang natala sugod Enero hangtod bulan sa Hulyo karong tuiga.
Atol sa AFP PNP press conference, gibutyag ni 10th Infantry Division Philippine Army spokesperson Capt. Jerry Lamosao nga sa maong mga engkwentro, 22 ka mga NPA ang namatay diin pito niini sakop sa Militia ng Bayan ug tulo ka supporters niini.
Samtang pito ka mga sakop sa kasundaluhan ug tulo ka CAFGU ang killed in action, 42 ka mga sundalo ug 7 ka mga CAFGU ang wounded in action ug duha ang natalang injured.
Dugang ni Lamosao, aduna usab na rekober nga 105 high-powered firearms, 24 ka mga low-powered firearms, samtang 69 ang natalang gisurrender nga mga armas ug lahing 124 low-powered firearms, 168 ka mga Improvised Explosive Deviced kun IEDs ug 74 ka mga gibilin nga IED.
Sa pikas bahin gikalipay usab ni Lamosao nga nagkadaghan na ang misurrender nga mga sakop sa NPA gani adunay natala nga 357 NPA surrenderees, 541 surrenderees gikan sa Militia ng Bayan Armado, 213 sa Sanga sa Partido sa Lokalidad, 5,414 gikan sa grupong Underground Mass Organization samtang 11 sakop niini ang nagpa re-orient.
Subay niini, gikanayon ni Lamosao nga suportado sa kasundalohan ang loacalized peacetalks nga ginaduso karon sa mga municipal mayors sa Region XI aron hingpit ng makab-ot ang kalinaw sa tibuok rehiyon.
RadyoMaN Abi Bibera
