80 ka mga personahe sa Bureau of Jail Management and Penology kon BMJP region 10 ug command group ang gipaubos sa random drug test kagahapon sa buntag.
Kini ang gibutyag ni JO3 Orlando Montalban ang Spokesperson sa BJMP Region 10 sa interview sa dxCC-RMN.
Matud ni JO3 Montalban nga mokabat sa 80 ka mga personahe sa BJMP-10 ang gipaubos sa random drug test apan daghan pang personahe ang wala malakip.
Dugang pa niini nga nakatakda gihapong himoon ang random drug test sa mga district jails, city jails ug municipal jails.
Tumong sa maong kalihokan nga ipakitang seryoso ang BJMP-10 sa ilang kampanya sa war on drugs ug pinaagi niini mapakitang walay rason ang anaa sa field units nga dili magpaubos sa drug test, tungod kay una nang mipaubos sa maong eksaminasyon ang ilang mga opisyal.
Samtang. walay nakitang nagpositibo sa paggamit sa illegal nga droga sa gihimong random drug test sa mga kadagkoan sa Bureau of Jail Management and Penology kon BJMP- 10 kagahapong adlawa.
Kini base sa gitawag nga kit kung asa makita ang inisyal nga resulta sa eksaminasyon.
Gipahayag ni JO3 Montalban nga karong adlawa ang saad sa Philippine Drug Enforcement Agency kon P-DEA nga ipagawas ang resulta sa test gikan sa ilang laboratoryo.
Dugang pa niini nga mokabat sa 587 ka mga personahe ang anaa karon sa BJMP-10 ug ang uban niini ang gikatakda pang ipaubos sa random drug test.
