Sarangani Province- Mukabat sa 27 ka mga piniriso sa Sarangani Provincial Jail ang gi-dismiss ang kaso tungod sa Enhanced Justice on Wheels (EJOW) miaging adlawa.
Kung kahibaloan nga miaging adlawng Martes, mismong si retired Supreme Court justice og labaw sa Philippine Judicial Academy nga si Justice Adolfo Azcuna, kauban ni Supreme Court Administrator Atty. Jose Midas Marquez ang mibisita sa Sarangani Province.
Personal nilang gisaksihan ang pagtaral sa mga kaso sulod sa usa ka bus sa Justice on Wheels kon JOWS, kon diin gitaral ang hapit 80 kabuok nga binilanggo.
Ang 27 ka mga piniriso ang nag-atubang og kasong mga frustrated murder,murder, rape, og uban pa.
Karong adlawa, byaheng South Cotabato ang Enhanced Justice on Wheels sa Korte Suprema og gilaumang daghang pang mga priso ang mabuhian.
