Davao City – Gikatakdang mahatag na sa mga kwalipikado’ng senior citizens ang ilang P1,500 pension matag tuig gikan sa City Government of Davao subay usab sa napasar nga ordinansa labot niini.
Matud ni Davao City Mayor Sara Duterte-Carpio, anaa sa kapin kun kulang 80,000 ka benepisyaryo ang maayudahan subay sa impormasyon gikan sa City Social Services and Development Office (CSWDO) nga maoy manguna sa distribusyon niini.
“Ang atong CSWDO (City Social Services and Development Office) ang primary office ang magdumala sa distribution ani. Ang isa sa requirements (under) sa ordinance, you have to be in the COMELEC (Commission on Elections) list of voters,” matud sa Alkalde.
Gawas nga kwalipikado’ng botante, ilawom sa ordinansa, 65-anyos pataas usab ang maka-avail sa maong pension ug makadawat gihapon niini bisan ang nagadawatan na og laing pension diin wala kini nag limita sa indigent individuals.
RadyoMaN Kirby Manzon
