Davao City – Gikumpirma ni Davao City Mayor Sara Duterte-Carpio nga nagbaton na og ‘commitment’ ang AstraZeneca, usa ka Coronavirus Disease 2019 (COVID-19) vaccine maker, alang sa bakuna nga padayong ginaproseso sa City Government of Davao, diin nagbaton og ‘confidentiality agreement’ ang duha ka grupo.
Gibutyag sa Alkalde nga matud sa AstraZeneca, posible nga anaa sa third quarter karon nga tuig maka-deliver ang kumpanya og bakuna apan kini tagi-tagi ug dili bulto nga pagpadala.
“In terms of timeline (sa COVID-19 vaccines), nadungog nako from them (AstraZeneca) third quarter of 2021 but ingon sila dili sila maka-deliver og bulk. Ingon sila, that will be in tranches gyud, batch by batch,” butyag sa Mayor.
Dugang sa Alkalde nga wala nag limita sa usa ka kumpanya ang lokal nga gobyerno diin mamahimong mupalit ang syudad sa ubang pharmaceutical companies nga nagtanyag og COVID-19 vaccine.
“We will be buying all the vaccines that may be sold to us by the different vaccine makers. Mao nay rason nga wala ‘ta nag limit sa atong budget,” segun sa Alkalde.
Gipasabot ni Mayor Sara nga ang maong bakuna ‘augmentation’ lamang sa giandam sa national government ug sundon gihapon sa lokal nga gobyerno ang Philippine vaccination program.
RadyoMaN Kirby Manzon
