Davao City – Nadungagan pa ang ihap sa mga pamilyang namakwit sa Magsaysay, Davao del Sur human sa nahitabong magnitude 6.6 na linog.
Sa pakighinabi sa DXDC RMN Davao kang Anthony Allada, Magsaysay Municipal Information Officer, anaa na sa 867 ka mga pamilya o 1,571 ka mga indibidwal ang anaa sa managlahing evacuation centers sa maong probinsya.
Hinuon nakadawat na og mga hinabang ang mga apektadong pamilya human sunod-sunod nga nakadawat og mga donasyon ang lugar.
Samtang gitino ni Allada nga tulo ang padayong ginapangita karon sa otoridad human natabunan sa nahitabong landslide sa Upper Bala ug Tagaytay sa nasangpit nga dapit.
“Wala pa man, tua pa man ang team sa retrieval area, wala pa silay report,” segun ni Allada.
Dugang niini, padayon gihapon ang assessment sa mga otoridad sa epekto sa linog sa Magsaysay human nga nasamutan usab og kadamyos ang mga establishementong una ng naapektuhan sa nahitabong linog niadtong October 16, 2019.
RadyoMaN Renz Barbarona
