Gipasigarbo karon sa Provincial Detention and Rehabilitation Center (PDRC)- Bukidnon nga miabot na sa 81.79% sa Person’s Deprived of Liberty (PDL) o mga preso ang kompletong nabakunahan na.
Kini ang gibutyag ni PDRC Assistant Jail Warden Nelson Rocky Balaba atol sa interview sa RMN DXMB Malaybalay.
Sumala niya nga 96% na ang nabakunahan sa mga preso sa maong pasilidad diin 14% ang nakakuha sa 1st dose.
Gisulti usab ni Balaba nga pipila nalang ang wala nabakunahan sa mga PDL diin ang uban menor de edad, adunay mga balatian panahon sa pagpamakuna ug palayaay sa pasilidad.
Apan giklaro ni Balaba nga prioridad gayud nila ang kaluwasan sa mga PDL batok na usab sa sakit nga Covid-19.
Gidugang usab ni Balaba nga tulo ka hugna sa isolation ang pagaagian sa mga bag-ong preso nga rekisitos gihapon ang Negative Antigen result ayha mausa sa kadaghanan.
