Nagalab-ot sa Eight Hundred Eleven (811) distressed kag displaced Overseas Filipino Workers (OFWs) sa rehiyon dose ang nakabaton sang financial livelihood assistance sa idalom sang Balik Pinas, Balik Hanapbuhay Program (BPBH) sang Overseas Workers Welfare Administration ukon OWWA halin Enero 1 tubtob Hunyo 29 subong nga tuig.
Ang nasambit nga programa ang ginalakipan sang cash assistance, financial literacy and entrepreneurship training kag iban pa nga mga services agud nga mahatagan sang ihibalo ang mga beneficiaries sang napili nga livelihood project.
Suno kay OWWA XII Regional Director Marilou Sumalinog ang Balik Pinas, Balik Hanapbuhay Program (BOBH) ang isa ka programa para sa mga returning modern heroes nga mabuligan sila sa ila nga ginpili nga livelihood projects.
Magluwas sa OWWA nagabulig man sa nasambit nga programa ang Department of Trade and Industry (DTI), kag Department of Agriculture (DA) sa mga beneficiaries para sa technical nga aspeto kapareho sang marketing strategies agud masustain ang livelihood project sang mga ini.
Ginpahayag man ni Regional Director Sumalinog nga paagi sa livelihood assistance daku suno pa ini nga bulig agud nga mapanubo ang impact sang displacement sa mga repatriated distressed overseas workers sa tunga sang pandemya.
Dugang pa niya nga serye man sang project monitoring ang ila ginpatuman sa mga nauna nga beneficiaries nga nakabaton sang ten thousand pesos (Php 10,000.00) livelihood assistance agud nga mapasiguro nga mapadayon ang development sang ila nga livelihood kag madugangan pa sila sang ten thousand pesos (Php 10,000.00) cash assistance.
Sarang man nga gamiton sang mga OFW BPBH-recipient ang ila nga skills sa ginpili nga livelihood project nga may kahilabtanan sa foods and drinks, online business, health and wellness, arts and crafts, green business kag madamo nga iban pa.
Ang Balik Pinas, Balik Hanapbuhay ang financial assistance nga nagakantidad sang P5,000 tubtob P20,000 sa idalom sang OWWA reintegration program nga ginahatag sa mga OFWs nga wala natapos ang ila nga kontrata tungod sa pipila ka mga sirkumstansya. Katuyuan sang programa nga mahatagan sang pangabuhian ang mga OFW`s nga indi na liwat magbalik sa abroad.
