Davao City – Pormal na nga giabrihan ang ika-81 nga Araw ng Dabaw karon lang gabii, Marso 1.
Gipahigayon ang opening ceremony sa Rizal Park ning syudad sa Davao nga gitambungan ni Davao City Mayor Inday Sara Duterte-Carpio, mga opisyal sa gobyerno sa syudad ug mga dabawenyo.
Sa maong seremonya, mihatag og mensahe si Mayor Inday diin giawhag niya ang tanang bisita lakip na usab mismo mga dabawenyo nga makiselebrar sa tinuig nga aktibidad gani gipresenta usab kaganina ang mga Mutya ng Dabaw 2017 ug ang mga bag-ong kandidata karong tuiga nga magtigiay sa nasangpit nga kompetisyon.
Gani ayha gisugdan ang maong seremonya, gipahigayon pa una ang Holy Mass sa San Pedro Cathedral.
Sa karon, lauman nga suportahan, tambungan o salmutan ang mga nakahan-ay nga aktibidades sa Araw ng Dabaw diin sunod nga angay atangan mao ang Lamdag Parada nga ipahigayon karong Marso 3, adlawng Sabado.
Ang Lamdag Parada usa ka drum and bugle corps competition and star float parade nga himuon gikan sa Roxas nga dalan padung sa Rizal street ning dakbayan.
RadyoMaN Renz Barbarona
