Sugdan na ang 81st Araw ng Dabaw ugmang adlawa, Marso 01 ug ipahigayon kini sa alas-6 sa gabii sa Rizal Park ning siyudad sa Davao. Giawhag karon sa City Government of Davao nga mutambong ang mga Dabawenyos sa maong opening ceremonies.
Kagahapon gibutyag ni City Councilor Al Ryan Alejandre, chairman sa SP Committee on Tourism and Beautification, nga andam na sila sa umaabot nga ika-81 nga Araw ng Dabaw.
Plastado na sab ang tanan pag-abot sa seguridad tungod kay nakig-alayon na sila sa City Public Safety and Security Command Center (PSSCC), Task Force Davao (TFD) UG Philippine National Police (PNP).
Malaumon si Alejandre sa malampusong selebrasyon sa umaabot nga Araw ng Dabaw.
Facebook Comments
