iFM Laoag – Walopulo ket lima a mannalon manipud Piddig ken Marcos ti nagturpos iti Farm Business School (FBS) nga inwayat ti DAR Ilocos Norte.
30 kadagiti nagturpos ket kamkameng ti Timpuyog ti Santa Maria-San Antonio Irrigators Association, Inc iti ili ti Piddig. 25 met ti naggapu iti Namnama ARB Multipurpose Cooperative iti isu met laeng nga ili.
30 met kadakuada ket manipud iti Daquioag Bannuar Farmers Irrigators Association, Inc iti ili ti Marcos.
Karaman kadagiti naiyadal iti 25 sessions ti FBS ket ti basic farm recording, bookkeeping ken accounting.
Inkari ni Provincial Agrarian Reform Program Officer II Vic M. Ines a tumulong pay ti DAR Ilocos Norte iti aspeto ti marketing wenno pannakailako dagiti produkto dagiti nagturpos ti FBS. ###Bernard Ver, RMN News
