General Santos City–Kapungot kini karon ang gibati sa mga kabanay sa 87 anyos nga lolo kansa una nang nabiktima sa hit and Run sa wala pa mailhing driver sa motorsiklo sa may Poblacion, Alabel, Sarangani province.
Giila ang biktima nga si Tranquilino Alicaway, 87 anyos, residenti sa nasangpit nga lungsod.
Sumala sa apo sa biktima nga sakay sa iyang bisikleta ang iyang apohan pauli sa ilang balay alas 6:20 ang takna sa gabie naidtong kagahapong adlawa, apan siya nabanggaan sa usa ka motorsiklo kansa misibat gilayon human sa insidenti.
Dugang pagbutyag sa apo sa biktima nga daghang samad ang naangkon sa iyang apohan. Nasayran nga punay gyud nagalakaw ang biktima aron mangita ug panginabuhian.
Wala gyud matud pa nila damha nga mabanggaan kini bug yano rang byaan sa suspek.
