Dao, Capiz – Isa ka tigulang sa Brgy Centro, Dao, Capiz ang ginhold-up sang mismo anay tinawo sini sa baligyaan sang tinapay.
Ginkilala ang biktima kay Eutiquio De los Santos y Bulquiren, 86- anyos ang pang-edaron kun sa diin nakuha sa iya ang ginapang-iyahan sini nga wallet nga may unod nga cash nga P30, 000 pesos more or less, 20 Kuwaiti dinar, isa ka Malaysian ringgit kag iban pa nga mga importante nga dokumento kag papeles nga nabutang sa wallet sang biktima.
Nagaguha sa imbestigayson sang kapulisan nga nagatindog malapit sa ila poluy- an ang biktima samtang naga-ihi sang ini ang ginpalapitan sang suspek nga si Richard Mendoza y Gregorio 32- anyos kag gintayaan sang patalom kadungan sang pag- deklarar sang hold-up.
Madasig ini nga nagpalagyo apang sa ginpatigayon nga hot pursuit operation sang mga residente sa bulig sang kapulisan kag barangay officials, natigayon nga madakpan ang suspek sa ila poluy-an.
Kaso nga robbery with intimidation ang atubangon nga kaso sang nasambitan nga suspetsado nga sa subong ang yara sa paghinakop sang Dao PNP.
