Dida han nakalabay nga August 2,2023, an 74th Infantry “Unbeatable” Battalion kaupod an mga miyembro han Mapanas Municipal Police Station ngan Philippine National Police Forensic Unit 8 in manilampuson nga nakuha an lawas ni alyas Boyet, ha kabubkiran han Barangay Siljagon, Mapanas, Northern Samar.
An anay miyembro han CTG nga nagsurrender in nagsumat nga an biktima nga hi Boyet, 25 anyos hadto nga panahon in gin-torture tubtub nga namatay dida han tuig 2004 ha kamot han grupo ni Ka Doy, usa nga leader han Communist NPA terrorist nga nago-operate ha mga bungto han Pacific ha Northern Samar.
Sumala kan Florencio Drio, tatay han biktima, makusog gihap niya nga ginko-kondena an brutal nga pagpatay han CTG han iya anak ngan pira katuig na hiya nga waray kamurayaw tungod nga diri niya kaya magsumat han insidente ha mga awtoridad dara han kabaraka para han iya pamilya.
“Sa mga teroristang NPA na gumawa nito sa anak ko, sana ay makonsensya kayo at mapagtanto ninyo ang inyong mga maling gawain. Maawa kayo sa mga pamilya ng inyong pinatay dahil laging may oras ng pagpaparusa,” siring ni Drio.
Samtang, nagpadangat naman an Commander han 8ID, Major General Camilo Z. Ligayo han iya iya hul-os nga simpatya han pamilya han biktima ngan sisiguraduhon nga matagan hin hustisya an kamatayon ni Boyet ngan tanan nga inosente nga kinabuhi nga ginkuha han mga CPP – NPA – NDF terrorists.
“This act of savagery is a clear manifestation of the CPP-NPA-NDF’s disregard for human rights and the value of human life. We will continue to work tirelessly to dismantle the CPP-NPA-NDF and put an end to their reign of terror. We urge the public to support our efforts in eradicating this menace from our society by reporting any suspicious activities or information to the authorities,” kadugangan nga yakan ni Maj. Gen. Ligayo.
