Isa nasab ka 9 anyos na bata an tagbanga nan hayas sa Sitio Looc, Brgy. Luna, syudad Nan Surigao, sa may ala 1:30 kuman hapon, sa did on na gikan ini sa ija Lola sa may Bernadette Village. Sumaya pa sa nakuha na impormasyon nan RMN Surigao, nakit an sa kaibanan sa biktima na isa isab ka bata na posible Cobra na klase sa hayas an mibanga tungod sa nakita na kolor yellow ini sanan mitindog ug nidako an liog . Hinuon dali dajon nadaya kagaina an bata na si John Lloyd Alinsalurin sa Caraga Regional Hospital sanan jaun giatiman sa Pediatric Intensive Care Unit (PICU) sa amu na tambayanan. Kahinumdoman na sa milabaya na mga semana isa isab ka mqg uuma an nalandig sa Caraga Hospital human ini jaun sa malisoron na kahimtang human mabangaan isab nan hayas sa ija umahan. ( RadyoMaN ROMY SALUT BRINQUEZ)
