Geodetic engineer nailad on line

22

Tungod sa ka-high tech sa panahon karon high tech na usab ang estilo sa mga mangingilad ngadto sa matumbok nilang biktimahon.
Midangop sa Police Station 1 ang usa ka biktima nga si Broddeth Abatayo, 32 anyos, ulitawo, residenti sa Purok 3, Brgy. Maon ning syudad sa Butuan kinsa usa ka Geodetic Engineer aron isumbong ang iyang gidangatan gikan sa kamot sa wala mailang mangingilad.
Saysay ni Engr. Abatayo nga adunay mitawag sa iyang cellphone ug nagpa-ilang ahenti sa Banco de Oro (BDO) ug mitanyag kini sa serbisyong on line banking.
Wala madugay nadani ang biktima nga i-transfer ang iyang kwarta nga nagkantidad ug P90,000 ngadto sa laing bank account pinaagi sa on line banking.
Human nahatag ang tanang impormasyon sa iyang bank account kalit nalang nawala ang ilang komunikasyon sa suspek.
Sa pagsusi sa biktima sa iyang balance pinaagi sa ATM iyang nasayran nga nahanaw na usab ang P90,000 nga pundo niini.
Nagpatabang ang biktima sa kwerpo sa kapulisan aron matagaan ug sulbad ang iyang problema.
[image: geodetic.png]

Facebook Comments

From Advertisers