TACLOBAN CITY – Nakit-an an usa nga patay nga lawas han 9-anyos nga babayi ha Brgy. Guindapunan West, Carigara, Leyte kakulop, June 25.
Nagawas ha inisyal nga imbistigasyon han mga otoridad nga dida han lunes, June 24 gindul-ong han biktima an patod hini ha ira panimalay pero napausa an nanay han biktima nga waray naman ini bumalik.
Nagpinamiling na an nanay han biktima pero waray gud mahikit-i an iya 9 anyos nga anak.
Pagkabuwas June 25, alas 12:00 han udto, nakit-an han bugto han biktima an patay nga lawas hini ha vacant lot nga gintatag-iyahahan han pribado nga tawo.
Gin-aaligar nga ginlugos o gin-rape an biktima tungod nga waray na underwear han makit-an.
Nagpapadayon an imbistigasyon han mga otoridad hini nga insidente.
Facebook Comments
