Liloy ZN – Patay ang 9 anyos nga batang lalaki human kini nadasmagan sa Series Bus sa iyang paglabang sa karsada mga alas 2:50 sa hapon sa Baragay Del Paz, lungsod sa Liloy, ning probinsya sa Zamboanga del Norte.
Ang nadasmagan biktima naila nga si Glen Sagang Villacencio, tinun-an sa elementarya og residente sa nasangpit nga dapit.
Samtang ang nakadasmag kaniya mao ang Series Liner bus, body number 553 nga iya sa Valla Car Transit Inc. nga gimaniho Wilfredo Carpena Baynosa, 52 anyos minyo og residente sa North Pajanokoy, Baybay, Bacolod City.
Sa imbistigasyon sa Traffic Division sa Liloy PNP, nasuta nga ang Bus gikan pa ang biyahe sa Bacolod City Negros Occidental og paigon unta sa dakbayan sa Zamboanga apan pag-abot niini sa dapit, ang nasamgpt nga biktima kalit kining nilabang sa karsada hinongdan nadasmagan.
Tungod sa grabeng naangkon nga injury sa ulo og pipila ka bahin sa lawas, gideklarar nga patay ang biktima dihang nadala sa Liloy Integrated Health District Hospital.
Gikatakda usab nga mag-atubang ug kasong reckless imprudence resulting to homicide ang bus driver nga anaa na karon nagtingkagol sa Detention Cell sa Liloy Municipal Police Station.
