Dipolog City – Arestado ang usa ka wanted person nga taud taud na nga gipangita sa mga ototridad didto nasikop sa Purok 3 Brgy. Dongos, lungsod sa Dinas Zamboanga del Sur, mga alas 9:30 sa gabii adtong miaging adlaw.
Ang nasikop nga akusado giilang usa ka Noel Dayundon Lumisay alias Dodong 25 anyos, ulitawo og lumulopyo sa nasangpit nga dapit.
Ang operasyon gilangkoban sa Dipolog PNP, RMFB-9, Zamboanga del Norte Police Intelligence Branch, nga gipangulohan ni PSUPT. Stephen Daang uban ang Dinas PNP.
Dala nila ang warrant of arrest nga gipagawas sa sala ni Judge Victoriano Lacaya Jr. sa RTC Branch 9, Dipolog City alang sa kasong Murder ubos sa cc number 18739 og kasong Carnapping ubos sab sa cc number 18738 pinitsahan og feb. 7, 2014.
Ang dinakpan anaa na karon gipriso sa selda sa Dipolog City Police Station og gikatakdang ipailawom unya sa booking procedure og tactical interrogation.
