Nueve trabahador del un fishing company ya sale arestao despues ya cuji canila na acto ta man pot session adentro del un bunkhouse del companiya na Tugbungan del Miercoles tarde.
Con el maga arestao ya conose como canda; Jhunrey Mahinay y Almedalla, 24, soltero de Sangali; Henry Catubay y Barguido, 42, soltero de Sangali; Rubic Mahinay y Romano, 27, casao de Sangali; Ryan Mangilan y Alpuerte, 24, de Tugbungan; Joseph Erra y Garcia, 23, soltero de Tugbungan; Michael Gaballeron y Ravadoma, 40, casao de Tugbungan; Kimbert Gacutan y Ularan, 20, casao y si John Paul Guimong y Gacutan, 19, de Mampang.
Con el nueve adicto ya aresta el maga pulis del Tetuan Police Sttaion ya encabesa si Supt. Hadjiri Langgal banda alas 3 del tarde.
El maga pulis ya recobri desde na possession diila el un paquete de shabu y monton maga paraphernalia de droga. Con el maga arestao ya detene mientras el maga confiscao ya entrega na crime laboratory.
