Davao City – Gikumpirma sa Bureau of Fire Protection (BFP) Panabo City nga walay natalang injured o casualty sa sunog nga miulbo alas 9:00 sa buntag kagahapong adlawa (Enero 6, 2022) sa Pantalan, Barangay San Pedro, Panabo City, Davao del Norte nga niugdaw og siyam (9) ka cottages o pwesto sa lugar.
Sa report ni Senior Fire Officer (SFO1) Anthony Laurence Agustin, Fire Investigator, dali nilang girespondehan ang sunog diin mitabang usab ang mga responder gikan sa Davao International Container Terminal (DICT), ug lain pang pribadong sektor nga adunay kahimanan.
Subay sa inbestigasyon, electrical wirings sa junction box ang hinungdan sa pag-ulbo sa kalayo nga gilayong mikatag tungod usab sa init nga panahon.
Alas10:15 sa buntag sa dihang nakontrola ang sunog ug nadeklarang fireout alas 11:30 sa buntag sa susamang adlaw.
Panawagan usab sa mga nasunogan nga sila matabangan nga makasugod og balik sa ilang panginabuhian human sa maong trahedya.
RadyoMaN Kirby Manzon
Facebook Comments
